رافضة تمامًا تحويل مهندسين البرمجة المصريين لـ مجرد مستخدمي tools
رافضة تمامًا تحويل مهندسين البرمجة المصريين لـ مجرد مستخدمي tools. المهنة دي أعمق من كدا بكتير والمهندسين المصريين طول عمرهم - وهيفضلوا - احسن من كدا بكتير. لازم نفهم الدنيا من تحت ونعرف احنا بنستخدم ايه ونقدر نحسنه .
مفيش حاجة اسمها انا devops مثلا فا مش مهم أكتب كود. يعني تربط مستقبلك بكام tool تبقي شاطر فيهم وخلاص كدا؟ هتعمل ايه لما الـ AI هيعمل automation للشغل دا بشكل أسرع وأرخص؟
اللي هيصمد في هوجة الAI دي هو اللي فاهم الدنيا من تحت لفوق: بيقرأ كود، بيكتب كود، وبيقدر يشرح “ليه” الحاجة شغالة مش بس “إزاي” نشغّلها. ده اللي يقدر يبدّل أداة، أو يبني واحدة لو لزم الأمر. وأوعي تنسي ان الكود هوا الشاكوش بتاعنا كدا زي عند النجار. مينفعش تقول ملوش لازمة اني اكتب كود.
عمّق أساساتك، اقرا كود كل يوم، اكتب حتى لو صغير، وادخل أوبن سورس عشان تحتك بكود حقيقي. ده الطريق اللي يحافظ على قيمتك مهما تغيّرت الtools عليك.