الـ Open Source مش “ببلاش” بالمعنى الاقتصادي
الـ Open Source مش “ببلاش” بالمعنى الاقتصادي. الكود مجاني صحيح ، بس القيمة حوالين الكود بتتباِع في شكل دعم، managed hosting, شهادات، تدريب، وأجور لمهندسين شغالين عليه كل يوم. تعالي نشرح الكلام دا اكتر🧵
Mohab @mohabyaser0
اليوم اللي هفهم فيه الbusiness model بتاع الopen source projects هيبقي يوم فرحي. ببقي هتجنن والله ازاي واحد (أو مجموعة من الناس) يروح يعمل حاجة زي postgres ببلاش؟ ليه يفني حياته في أنه يبني حاجة زي linux أي حد يقدر يستخدمها ببلاش؟ أنا أكيد بستفاد بسبب قرارهم دة بس ليه عملو كدة؟
مثال علي اللي بقوله دا هوا المشروع اللي انا شغالة فيه حاليا #Kubernetes :
جوجل قررت من حوالي ١١ سنة انها تعمله open source ومش عايزة اقولك كم الاستفادة والمكسب الرهيب اللي حصل من ورا دا:
ـ المشروع دلوقتي بقي مش مبني علي اساس منظور شركة واحدة فقط, بل السوق كله. فا المعيار بقي سوق كامل بيحدد هوا عايز ايه بدل ما الشركة كانت تفضل تفكر ياتري السوق عايز ايه.
- جوجل بالحركة دي قسمت تكلفة تطوير مشروع جبار زي دا علي كل الشركات: ميزانية تشغيل وتطوير المشروع بالملايين كل سنة.
- دعم use cases عمرها ما كان هيحصل الا لو اوبن سورس, زي ان دلوقتي في windows containers وفيه GPU device plugins.
- كم المشاريع اللي طلعت بتبني فوق المشروع الاساسي ذخم بشكل لا يوصف. وكم الstartups اللي ظهرت من وراه تعتبر اقتصاد مستقل.
- مساهمة جوجل القيادية في K8s جذبت مواهب عالمية، وخلّت جوجل تُنظر لها كصاحبة اليد العليا في السحابة السحابية-الأصل (cloud-native). ده بيسهّل التوظيف، الشراكات، والبيع.
- بدل ما كان عندك ٥٠٠ موظف شغالين علي المشروع ولازم تدفع ليهم كلهم مرتبات كبيرة. بقي عندك اكتر من ١٠٠٠ موظف متوزعين علي شركات كتيرة بتدفع ليهم.
واخر واهم حاجة في موضوع الاوبن سورس دا هوا الافراد او المبرمجين اللي بيشتغلوا عليه, لأن ده رأسمال مهني علني, سمعة، شبكة علاقات، فرص شغل، نفوذ تقني. PR مهم واحد أحيانًا يساوي شهور من السيرة الذاتية.