هوا انا لازم اكون اعرف golang علشان ابدأ مساهمة في الاوبن سورس؟

هوا انا لازم اكون اعرف golang علشان ابدأ مساهمة في الاوبن سورس؟
مفيش لغة “لازم” تكون عارفها علشان تساهم في الأوبن سورس. golang منتشرة في مشاريع الـcloud native and system infra، بس ده ما ملوش اي علاقة بعالم تاني من المشاريع اللي ملهاش علاقة دا المجال دا وممكن تبدأ من النهارده بالحاجة اللي عارفها. دا هيخليك تكسب ثقة وتلاقي نتيجة سريعة تشجعك علي الاستمرارية.🧵

و ضروري علشان ما تحسّش إنك تايه, قبل ما تغطس في مشروع معين وتبدأ تبص علي الـissues محتاج بس الحد الأدنى من الأساسيات:
- يعني لازم تعرف git كويس ، بصراحة لازم تعرف git بغض النظر عن موضوع الاوبن سورس دا.
- تقرأ الREADME وCONTRIBUTING للمشروع اللي قررت تشتغل فيه، وتعرف تشغله locally. ده نص يوم مذاكرة وشوية تجارب, متضيعش وقت كتير في الموضوع دا يعني.

- ابدأ بخطوات صغيرة ونتائجها سريعة علشان تتحمس, أول مساهمة غالبًا بتكون غالبا تصليح سطر في docs او مثال ازاي تستخدم المشروع ، أو bug بسيطة.
- وانت بتحاول تشغّل المشروع local . أي خطوة تقف معاك سجّلها, لان دي ممكن تكون مادّة ل PR في docs مثلا “add missing step in the contribution guide ” مثلا.
- خطط ان أول PR يكون صغير جدًا علشان تكسر الحاجز النفسي. بعدها PR تاني في نفس الريبو خلال أسبوع,الاستمرارية اهم شئ.