في شوية ملاحظات أخدت بالي منها خلال مراجعتي للمتقدمين علي التدريب ل LFX وكنت…

في شوية ملاحظات أخدت بالي منها خلال مراجعتي للمتقدمين علي التدريب ل LFX وكنت حابة اشاركه مع الناس هنا.
- اهتم بالتفاصيل, يعني اكتب cover letter and resume كويسين. اللي بيشوف الapplication بتعتك بيبقي عنده مئات غيرها محتاجة مراجعة. لازم تقدر تشد انتباهه أنك بذلت مجهود حقيقي مش مجرد كنت معدي وقلت يالا أقدم.
🧵

- متكتبش حاجة في الresume معملتهاش بجد. الموضوع مش بطول الcv او كتر الكلام. الواحد اللي بيشوفه هيبقي عنده خبره كافية انه يعرف انت فعلا عملت كدا ولا دا مجرد كلام مكتوب.
- لما تستخدم ال AI علشان تكتب ال cover letter, متبعتش الكلام زي ما هوا كدا. خلي فيه روحك وأسلوبك. لأن بمنتهي البساطة الكلام اللي طالع من ال AI دا هيبقي نفسه لباقي الناس اللي عملت زيك. يعني انا شفت cover letters بجد زي
ما تكون طبق الاصل بسبب انها مكتوبة بالAI.
🧵

- لو بتقدم علي حاجة opensource, لازم يكون عندك أي دليل علي شغلك علي GitHub. مينفعش أدخل الاقيه أبيض خالص. طب أنا هعرف منين بذمتكم البني ادم دا شغله ايه؟
- الموضوع كان بيفرق أوي لما كنا نلاقي حد بيحاول بقاله فترة, مش مجرد علشان الفرصة دي وخلاص. يعني لو لاقينا حد عنده PR من فترة قبل الميعاد بتاع التدريب أصلا في أي مشروع تاني مثلا. كنا بنحس انه دا حد بيحاول بجد.
🧵

- فكر دايماً أنك تسيب انطباع كويس عند الفريق اللي بيشوف شغلك, حتي لو متمش اختيارك المرادي. الواحد لما بيشوف حد كويس بيفضل معلق في باله ولو في أي فرصة يساعده هيعمل كدا. أو لو قدمت مرة تانية, هتلاقي الناس تقول البني ادم دا كويس انا فاكره.
- أكتبوا كود, بلاش AI وانتوا لسه بتتعلموا أبوس ايدكم.
- حاول كل فترة تحط شغل ليك علي GitHub أو تعمل اي OSS contribution عبيط حتي علشان لما تيجي فرصة مناسبة تكون مستعد ب profile كويس.🧵

أخر حاجة اتدرب ازاي تتكلم انجليزي كويس في الانترفيوهات. للاسف الانجليزي هوا اللغة الاساسية والمشتركة في المجال بتاعنا. مينفعش تكون كويس وتضيع من نفسك فرصة علشان مش عارف تتكلم انجليزي. استغل ال AI واقعد اتكلم معاه وخليه يصححك. أي حاجة بس بجد دا أساسي.

المنافسة شديدة من زمان ودلوقتي بقت أشد ومحتاجة مننا مجهود أكبر. ربنا معاكم ومعانا كلنا.